الرئيسيةالبوابةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 شويه نكت تفطس من الضحك ...خش خش و اضحك ......

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Aya hafez

avatar

عدد الرسائل : 7
العمر : 29
السٌّمعَة : 0
التقييم : 0
تاريخ التسجيل : 23/01/2008

مُساهمةموضوع: شويه نكت تفطس من الضحك ...خش خش و اضحك ......   الجمعة يناير 25, 2008 6:43 pm

1- مره خمسة صعايدة دخلو الجامع علشان يصلو و فى وسط الصلاة قام واحد منهم عطس فردعليه اللى جامبه وقال له يرحمكم الله فقالهم التالت ماتتكلموش فى الصلاة وقلهم الرابع على فكرة صلاتكم انتم التلاتة باطلة قام الخامس قال "الحمد لله انا ما تكلمتش..

2- سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك

3- واحد راح للدكتور بيقولو يا دكتور انا عندى صداع ، قالو بتنام والشباك مفتوح ولا مقفول ؟ طيب افتحه قبل متنام وتعالى بعد يومين ، جاله بعد يومين قاله الدكتور الصداع راح قاله الصداع راح والتلاجه راحت والتليفزيون راح و.........

4- "مرة ولد صغير سأل والده: باب انت جبتني ازاي؟ قال اللأب: بص يا حبيبي احنا جبنا شوية سكر و حطناهم تحت السجادة جينا تاني يوم و رفعنا السجادة لقيناك. ففكر الابن فيها "إيه لو أبقي أب من الأن" فجاب شوية سكر و وضعهم تحت السجادة صحي تاني يوم وجد صرصور فقال:"لو ماكونتش ابني انا كنت قتلتك

5- واحد بيقول لامه الراجل ده بيبوس اختى ليه؟.. قالتله: اصله هيتجوزها.. قالها: امال بابا هيتجوز الخدامه امتى؟؟؟؟

6- واحدة ماشية فى جنازه جوزها وعمالة تصوت وتقول يا حبيبى يا جوزى .....واتنين رجاله ماشيين شايفنها، واحد بيقول للتانى ياسلام شايف الست دى بتحب جوزها قد ايه!! قاله ياراجل انت بتصدق الحاجات دى ، طب استنى هاوريك وراح ورا الست وقال.....ياجميل يا عسل أخ لو تقولى ساكن فين أتجوزك بعد الأربعين على طول ؟؟ ..الست ردت : يا حبيبى ياجوزى يالى مسكنى فى مساكن الروضة عمارة 37 تانى شقة على اليمين

7- طفل من الهنود الحمر سأل أبوه بابا أحنا ليه كل أسامينا طويلة ومعقدة ومركبة من كلمات كتيرة كده ؟
الأب: يا حبيبي دي عادة عندنا من قديم الازل لما يتولد لينا طفل نسمي أسمه على أول
مشهد تقع عنينا عليه
مثلا اختك الكبيرة لما اتولدت دخلت الخيمة لقيتها مولودة زي القمر طلعت من
الخيمة شفت مشهد الشمس المشرقة المطلة بين السحب الكثيفة فقررنا نسميها
"الشمس المشرقة المطلة بين السحب الكثيفة"
أخوك الوسطاني لما أتولد دخلت عليه الخيمة شفته مولود زي القمر طلعت من الخيمة
لقيت مشهد الامطار الغزيرة وسط البرق اللامع فقررنا نسميه
"الامطار الغزيرة وسط البرق اللامع "
دي عادة قبائلنا طوال الازل
ثم أنت ايه اللي مزعلك يا " كلبين بيناموا جنب الخيمة"؟؟


8- واحد قال لابنه روح شو ف النتيجة ولو نجحت هذبح لك خروف... لما رجع قاله عملت ايه يا ابنى قاله الخروف اتكتبله عمر جديد..........

9- بخيل وهو بيموت قعد يسال علي عياله.. فين محمد؟؟ قال محمد نعم يابا.. وفين محمود؟ رد محمود وهو بيعيط انا هنا يابا.. الاب: ايه ده؟ انتم الاتنين هنا وسايبين نور الصالة قايد

10- مره واحد يهودى مراته بتصحيه فبتقوله تفطر ايه يا ابو كوهين ؟ قالها هما بيضتين بس يا امو كوهين واحده ليا وواحده ليكى عقبال ما اطلع السطوح اعدل الاريال ........بيضتين بس يا امو كوهين .... ماشى يا ابو كوهين وبعدين ابو كوهين وهو بيعدل الاريال وقع من عالسطوح فنادى وقالها هى بيضه واحده بس يا امو كوهههههههههههههين..

11- مره واحد جاب لامه ازازه وقالها خدى منها هتصغرى 20 سنه وجالها تانى يوم وقالها ايه الجمال ده ومين العيل الصغير اللى حمبك ده ؟؟؟؟ قالتله يالهوى يا ولا مش عارفه ده ابوك بس خد الازازه كلها .....

12- مره واحد عنده دولاب وقافله بقاله 20 سنه ومحدش معاه المفتاح غيره ومراته هتموت وتعرف الدولاب ده فيه ايه ؟؟ فمره راح الشغل ونسى المفتاح فمراته فتحت الدولاب بتبص لقيت فيه 20 الف جينيه وبيضتين !!!!! استغربت ولما جه سالته ايه البيضتين دول ؟؟؟؟ قالها اصل بصراحه كنت كل ما اخونك احط فى الدولاب بيضه قالت : مش مشكله 20 سنه جواز ومرتين بس ماشى .. طيب ايه بقى العشرين الف جنيه دول ؟؟؟؟ قالها : اصلى كنت كل ما اجمع كرتونه بيض ابيعها .....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
safaa yosry

avatar

عدد الرسائل : 23
السٌّمعَة : 0
التقييم : 0
تاريخ التسجيل : 21/01/2008

مُساهمةموضوع: رد: شويه نكت تفطس من الضحك ...خش خش و اضحك ......   الجمعة يناير 25, 2008 10:51 pm

ثانى واحدة موتتنى فظيعة .. بس كلهم حلويين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abdo_general

avatar

عدد الرسائل : 1
السٌّمعَة : 0
التقييم : 0
تاريخ التسجيل : 11/04/2008

مُساهمةموضوع: رد: شويه نكت تفطس من الضحك ...خش خش و اضحك ......   الجمعة أبريل 11, 2008 5:33 pm

ههههههههههههههه
كلهم حلوين
وعلي نفس مهج النكتة الرابعة

مرة واحد صعيد معدي من جنب مزرعة عجول
فسأل صاحب المزرعة هو انتو بتزرعو عجول
التاني ضحك وقاله اه
قاله ازاي
قاله احا بنجيب حبة سكر ونسيبهم فترة وكده
فالصعيدي راح قدام بيته وجاب حبة سكر
تاني يوم لاقي نمل كتير
فرح وقال
الله الله علي العجول وهي صغيرة
هههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شويه نكت تفطس من الضحك ...خش خش و اضحك ......
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
AGRICULTURE WORLD :: الاقسام الترفيهية :: منتدي الطرقعة-
انتقل الى: